ඇස් පෙනෙන තැනැත්තෝ කියවත්වා. !!!!
ආත්මයාණන්වහන්සේගේ මග පෙන්වීම,
ඇස් පෙනෙන තැනැත්තෝ කියවත්වා. !!!!
ගලාති 5: 16 - 26 දක්වා
නුමුත් ආත්මයාණන්වහන්සේ කරණකොටගෙන හැසිරෙන්න, එවිට නුඹලා මාංසයේ තෘෂ්ණා සම්පූර්ණකරන්නේ නැතැයි කියමි. මක්නිසාද මාංසය ආත්මයාණන්වහන්සේට විරුද්ධවද ආත්මයාණන්වහන්සේ මාංසයට විරුද්ධවද ආශාකරයි.
නුඹලා කැමතිවන දේ නොකරන ලෙස මොව්හු එකිනෙකාට විරුද්ධවෙති. නුමුත් නුඹලා ආත්මයාණන්වහන්සේ විසින් ගෙනයනු ලබන්නහු නම්, නුඹලා ව්යවස්ථාව යටතේ නොවන්නහුය.
ඉදින් මාංසයේ ක්රියා ප්රකාශව තිබේ; එනම්, වේශ්යාකම, අපවිත්රකම, සල්ලාලකම; රූප වැඳීම, මායාව, සතුරුකම්, විවාදය, ඊර්ෂ්යා, ක්රෝධ, පක්ෂවාදිකම්, භේද, ලබ්ධි භේද; වෛර, බීමත්කම, මංගල්ය ඝෝෂා සහ තවත් එවැනි දේවල්ය.
මෙබඳු දේ කරන්නන්ට දෙවියන්වහන්සේගේ රාජ්යයෙහි උරුම නොලැබෙන බව නුඹලාට කියමි.
නුමුත් ආත්මයාණන්වහන්සේගේ ඵල නම්–ප්රේමය, ප්රීතිය, සමාදානය, ඉවසිලිවන්තකම, කරුණාවන්තකම, යහපත්කම, විශ්වාසකම, මෘදුකම, පමණ දැන ක්රියාකිරීම යන මේවාය. මෙබඳු දේට විරුද්ධව ව්යවස්ථාවක් නැත.
තවද ක්රිස්තුස්වහන්සේට අයිති තැනැත්තෝ මාංසය එහි ආශා සහ තෘෂ්ණා සමඟ කුරුසියෙහි ඇණගැසුවෝය.
අපි ආත්මයාණන්වහන්සේ කරණකොටගෙන ජීවත්වෙමු නම්, ආත්මයාණන්වහන්සේ කරණකොටගෙන හැසිරෙමු. නිෂ්ඵල පාරට්ටු නොකරමු. එකිනෙකා කෝප නොකරමු. එකිනෙකාට ඊර්ෂ්යා නොවෙමු.
වැඩිදුර දැනගැනීමට හෝ ඔබට කිසියම් යාච්ඤා ඉල්ලීමක් ඇත්නම්, +971 52 296 6569 ට ඔබගේ ඉල්ලීම එවැන්ජලිස්ට් මයුර ප්රනාන්දු වෙත WhatsApp කරන්න.
මෙය ඔබගේ මිතුරන් සමග බෙදා ගන්න. දෙවියන් වහන්සේ ඔබට ආශීර්වාද කරයි!
Comments
Post a Comment